Қазнетте тараған "Қазақстандықтар саусақ іздерін тапсыруға міндеттелді" деген ақпарат жалған болып шықты, деп хабарлады paryz.kz.
Осыған дейін 1 қаңтардан бастап қазақстандықтар саусақ іздерін тапсыруға міндеттеледі деген ақпаратқа қатысты Ішкі істер министрлігі түсініктеме берді. Министрліктің баспасөз қызметі саусақ ізін тапсыру уақытының заң аясында өзгертілгенін хабарлады.
"2021 жылғы 1 қаңтардан бастап қазақстандықтар саусақ іздерін тапсыруға міндетті" деп таратқан ақпарат ескі ақпарат екенін және шындыққа сәйкес келмейтінін хабарлаймыз. ІІМ Көші-қон қызметі комитеті өкілінің сұхбатын тілші 22 қазанда жазып алған. Кейін осы рәсімді қолданысқа енгізу мерзімін ауыстыру туралы шешім қабылданды. Осыған байланысты осы ақпаратты телеарнаға сілтеме жасап таратпауды, ІІМ-нің бүгін берілетін ресми түсініктемесін күтуді сұраймыз", - деп хабарлады министрліктің баспасөз қызметі.