Оның айтуынша, халық әлі күнге шатырларда түнеуге мәжбүр екен.
"Көрініс өте қорқынышты. Теледидардан қарау немесе суреттерін көру әсерлендіретін шығар. Ал қираған қалаға кіріп келе жатқан кезде жүрегің ауырып кетеді. Қала жоқ. Хатай деген қала мүлде жоқ. Ауыр көрініс. Аман қалған жұрт оттың басында жылынуға мәжбүр. Үйге кіре алмайды. Кейбір үйлер сөгіліп кетіп жатыр. Содан қорқыныш қалыптасып қалған. Шатырлар өте суық, жылымайды", - дейді ол видеода.