Қазіргі кезде министрлік осы мәселе бойынша ұсыныстарды жинап жатыр. "Бұның барлығы әлі қаралып жатыр, нақты шешім жоқ. Біз ұсыныстарды жинап жатырмыз. Қылмыстық жауапкершілік болмайды. Бәлкім, әкімшілік айыппұл болатын шығар", - деді Мәдиев мәжілісте өткен брифингте.
Осы орайда министр "үшінші тұлға" ұғымына түсініктеме берді. Ол - SIM-карта иесімен байланысы жоқ адам.
"Әзірше айыппұлдың нақты көлемін айта алмаймыз. Меніңше, биыл тиісті ұсынысты енгіземіз", - деп атап өтті Мәдиев.
Айта кетері, үкіметтің кешегі отырысында SIM карталарды сатудың жаңа тәртібі енгізілетіні туралы айтылған болатын.