"Иордания Королі Абдалла II бен әл-Хусейннің Қазақстан Республикасына ресми сапары кезінде (26-27 тамызда) қаланың жекелеген көшелерінде көлік құралдары мен жаяу жүргіншілердің қозғалысына уақытша шектеу енгізіледі", - деп жазылған ведомство хабарламасында.
Дайындық іс-шараларында арнаулы мемлекеттік және құқық қорғау органдарының, сондай-ақ ҚР Қарулы Күштерінің ресурстары, оның ішінде әскери авиация мен техника пайдаланылады.
Мемлекеттік күзет қызметі Астана қаласының тұрғындары мен қонақтарынан халықаралық дәрежедегі маңызды оқиға кезінде қауіпсіздікті қамтамасыз ету бойынша жүргізілетін іс-шараларға түсіністікпен қарауды сұрады.