Бүгін қазақ спортының тарихында есімі мәңгілікке жазылған Бекзат Саттарханов туралы жаңа кітаптың тұсаукесері өтті.
Іс-шара барысында чемпионның анасына ерекше құрмет көрсетіліп, жаңа үйдің кілті табысталды. Beles құрылыс компаниясының басшысы Махат Төреәлі игі ісін былай түсіндірді:
«Жылқышы жылқы бақса – жылқы, қой бақса – қой сыйлайды. Біз қазір үй салып жатырмыз. Сол себепті апама бір үй сыйлағым келіп тұр», – деді ол.
Бұл сөздер жиналған қауымның жүрегін елжіретіп, залды ұзақ қол шапалаққа бөледі.