Тергеу органдарының алдын ала мәліметіне сәйкес, марқұмдардың денелерінде өткір затпен салынған жарақаттар болған.
Оқиғаның мән-жайы туралы Атырау облысы Полиция департаменті бастығының бірінші орынбасары Құттыбай Садықов түсініктеме берді.
Оның айтуынша, қазіргі уақытта құқық қорғау органдары қажетті тергеу шараларын жүргізіп, сот-медициналық сараптама тағайындаған.
"Марқұмдардың денелерінде өткір затпен салынған жарақаттар бар. Қазіргі уақытта сот-медициналық сараптама тағайындалды", – деді Құттыбай Садықов.
Мамандардың айтуынша, сараптама қорытындысы арқылы марқұмдардың нақты неден қайтыс болғаны және олардың қашан көз жұмғаны анықталады.