Шымкентте мемлекетке бір миллиард теңге қарыз болып, салық төлеуден жалтарған азамат сотталды деп хабарлайды Paryz.kz, otyrar.kz-ке сілтеме жасап.
Белгілі болғандай, Азамат Махатаев салық төлеуден жалтару мақсатында кәсіпкерлерге жалған шот-фактуралар жазып берген. 2017-2020 жылдар аралығында іскер азамат 14 кассалық кәсіпті туыстары мен жақындарының атына тіркеген. Барлық фирманың кеңселері, қызметкерлері, өндірістік-техникалық базалары мен қоймалары болмағаны анықталды.
Экономикалық тергеу департаменті Махатаевтың заңсыз әрекетінің жолын кесті. Сот оны төрт жылға бас бостандығынан айырды және 10 жылға кәсіпкерлікпен айналысу құқығынан шектеді.