Біріккен Араб Әмірліктерінің Дубай қаласында және Түркияның Анкара қаласында биік ғимараттар Қазақстан Республикасы туының түсіне боялды, деп хабарлады paryz.kz, inform.kz-ке сілтеме жасап.
Қазақстанның Түркиядағы Елшілігі әлеуметтік желідегі парақшасында Анкарадағы TOBB ғимаратындағы көрініспен бөлісті.
"Қазақстан Республикасының Тәуелсіздік күніне байланысты Түркияның елордасы Анкара қаласының төрінде TOBB ғимаратында бүгін көк байрағымыз желбіреді", - делінген хабарламада.
Сондай-ақ, БАӘ-дегі ҚР елшілігі әлемдегі ең биік ғимарат - Burj Khalifa да мемлекеттік туымыздың түсіне боялғанын хабарлады.