Форумға Парламент Сенатының депутаты Руслан Рүстемов, Мәдениет және ақпарат министрлігінің өкілі, облыстық мәслихат депутаттары, басқа өңірлердегі, өз аймағымыздағы азаматтық қоғам ұйымдарының жетекшілері, зиялы қауым, жастар, мәдениет саласының мамандары мен арнайы Қазақстанның Азаматтық альянсы президенті Бану Нұрғазиева қатысты.
«Тәуелсіз еліміздің тарихында демократиялық құндылықтар мен азаматтық бастамаларды дамытуда, реформаларды жүзеге асыруда, мемлекеттік органдармен байланыс орнатып ел мүддесі жолында қызмет етуде Азаматтық альянстың алар орны ерекше. Аймағымыздың Азаматтық альянсын басқарған Дариха Ақмағамбетқызы, Әлима Жақыпқызы үкіметтік емес ұйымдарды біріктіре отырып, өңірімізде азаматтық қоғамның дамуына елеулі үлес қосты. Азаматтық қоғам мен атқарушы билік арасында байланыс орнатып, жарқын істердің үлгісін көрсетті. Бүгінде қауымдастық төрағасы Анар Жарылқасынқызы аға буын салған ізгі жолды жалғастыруда. Альянстың бастамасымен жыл басынан бері 372 үкіметтік емес ұйымға кеңес беріліп, 37 ауқымды шара өткізілді.
Ауылдық үкіметтік емес ұйымдардың форумы өткізіліп, қажеттіліктер картасы жасақталды. 2020 жылдан бері ҮЕҰ басшыларының әлеуетін арттыруға арналған Жазғы құқықтық мектеп жүйелі түрде ұйымдастырылып келеді», - деді аймақ басшысы.
Іс-шарада Парламент Сенатының депутаты Руслан Рүстемов форум жұмысына сәттілік тілеп, Сыр елінде қолған алынған маңызды жобаларды атап өтті.
Жиынды қорытындылаған Қазақстанның Азаматтық альянсы президенті Бану Нұрғазиева өңірде жүзеге асырылған игі бастамаларға қолдау білдіріп, әріптестерінің жұмысына сәттілік тіледі.
Ақпарат көзі: Қызылорда облысы әкімінің баспасөз қызметі