«Осы Парламентте ұлттық мүддені қашан, кім айтады екен дегенде Бекболат аға жалғыз қозғады ғой. Бәріміз осындай бір адам шықты деп Аллаға шүкір дедік. ЛГБТ-ны да қозғаған сол кісі. Ұлт, болашақ жайында жалғыз өзі шырылдады. Ал осындай адамдарды қаралап көрсететіндер сыртқы күштер. Мен Бекболат ағаны аға ретінде ерекше құрметтеймін. Мұхамеджан ағаны да аға деп сыйлаймын», - деді депутат.
Сондай-ақ Ардақ Назаров Бекболат Тілеуханмен хабарласып тұратынын жасырмады.
«Бекболат ағамен амандасып тұрамыз, кейде жұма намазда, той томалақта амандасып, құттықтап тұратын кез болады», - деді ол.