Жаңа ережелерге сәйкес:
қағидаларда мәжбүрлі медициналық сипаттағы шараның химиялық кастрация түрінде қолданылуы нақты белгіленді;
химиялық кастрация кәмелетке толмағандарға қатысты жыныстық қолсұғушылық қылмыс жасаған, 18 жастан асқан адамдарға ғана тағайындалады және ол заңды күшіне енген сот шешімі негізінде жүргізіледі;
шара жазасын өтеу орнында немесе амбулаториялық психиатриялық көмек көрсететін денсаулық сақтау ұйымында іске асыралады;
сотталған адамды босатуға алты ай қалғанда түзеу мекемесінің әкімшілігі сот-психиатриялық сараптама тағайындау үшін материалдарды сотқа жолдайды, бұл оның психикалық ауытқуы мен жыныстық зорлыққа бейімділігін анықтау үшін жүргізіледі;
Аталған нормалар есі дұрыс деп танылған, бірақ психикалық ауытқуы бар сотталғандарға қолданылатын медициналық сипаттағы шараларға таралмайды. Бұйрық 2025 жылғы 17 қазанда күшіне енеді.