Қойлардың иесі Отырар аудандық полиция бөліміне қойларының жоғалғаны туралы арызданған. Ол жайылымда жүрген 750-ден астам қойын түгендеуге барғанда 140 бас малы жоқ болып шыққан. Осы оқиғаға қатысты тексеру шараларын жүргізген тәртіп сақшылары бұл қылмысқа бақташының қатысы бар екенін анықтаған. Жәбірленушіге келтірілген шығын 7 миллион теңге болған.
«Белгілі болғандай, бақташы қойларды танысына әрқайсысын 35 мың теңгеге сатқан. Тәртіп сақшылары айғақты зат ретінде ұрланған малдарды тәркілеп алды. Аталған жайт бойынша ҚР ҚК-нің 189-бабы («Сеніп тапсырылған бөтен мүлікті иемденіп алу немесе талан-таражға салу») бойынша қылмыстық іс қозғалды. Күдікті қамауға алынып, оған қатысты сотқа дейінгі тергеу амалдары жүргізіліп жатыр» деп жазылған аудандық полиция бөлімі таратқан хабарламада.