Кадрлардан ер адамның ағаштан бұтақты жұлып алып, көлігінен шыққан әрбір баланы ұра бастағанын көруге болады. Оқиғаны бір бойжеткен бақылап тұрғаны да көрінеді. Балалардың жағдайы туралы хабарланған жоқ. Ақпаратты Ақмола облыстық ПД растады.
«Бұл факт Атбасар аумағында орын алды. Полиция қызметкерлері ҚР ҚК-нің 109-бабы «ұрып-соғу» бойынша сотқа дейінгі тергеп-тексеруді бастады, осы бейнежазбадағы адамды анықтау және оны қылмыстық жауапкершілікке тарту бойынша іс-шаралар жүргізілуде», - делінген полиция хабарламасында.