«Ну, здравствуй Ләйлә! Как говорится жер домалақ. Қанша уақыттан кейін кездестік. Жүр, сөйлесіп қайтайық! Ойнап айтам-ойнап айтам Қазақстанның Еңбең сіңірген қайраткері Ләйлә Сұлтанқызы», — деп қалжың аралас хабарлап елді қыран-топан күлкіге қарқ етті.
Өз кезегінде Ләйлә Сұлтанқызы:
«Нұрболхан білесің бе? Маған тикток желісінде сіз Нұрболханмен араласасыз ба?, — деп сұрап жатады. Мен оларға айтамын. «Иә, Нұрболхан менің жан досым ғой. Сіздер білмейсіздер оны деп. «Jai Battle»-ға келгеніме қуаныштымын. Жақсы ойын болады деп үміттенемін», — деді.
«Иә, біз жан достармыз, өтірік соттастық қой», — деп Нұрболхан тағы да халықты бір шулатты.
Еске салсақ, 2019 жылы әзілкеш пен жүргізуші арасында үлкен дау туған болатын. «Өз-ойым» бағдарламасының жүргізушісі әрі жоба авторы Ләйлә ханымға Нұрболхан Шарапов ашық үндеу жариялаған болатын. Себебі, Ләйлә Сұлтанқызы мемлекеттік арнаның тікелей эфиріне трансгендерді шақырып онымен сұхбат жүргізген болатын.