"Меніңше, бұл дұрыс емес. Неге десеңіз, олар өз сөздеріне өздері қайшы келіп жүр. Себебі, олар айтқандай, әйелдері оранып, бетін бүркеп жүретін елдер сахнаға шығуға мүлде қарсы.
Ал бұлар соларға еліктеп, "анау харам", "мынау харам" дейді де, қастарына татуаж, бетіне бояу, ерінін екі елі қылып өсіріп алып, сахнада жүреді. Сонда ол харам емес пе?! Кімді алдағылары келеді?
Керісінше, қазақтың тарихында ән айтып, күй шертіп, жыр төккен жандарды дастарханның төріне отырғызған емес пе еді? Біздің ата-дәстүріміз қайда қалды сонда? Осыған зығырданым қайнайды", -деді Жанна Орынбасарова.