Димаш Құдайберген әндерінің бірін желіде күлкіге айналдырған отандастарына Instagram парақшасында жазба арнады.
"Бүгін әлеуметтік желіде жерлестерімнің "Бір аспанның хикаясы" атты әнімді қызу талқылап жатқанын білдім. Егер сені мазақтаса – сенің тірі және қызық екеніңнің айғағы дейді ғой. Құрметті жерлестер, шығармашылық әзілдеріңізге рахмет. Тіпті күтпеген қалжыңдар болса да, назар аударып жатқандарыңызға рахмет. Ал бүкіл әлемдегі қымбатты жанкүйерлерім - мені әрқашан қорғап жүргендеріңізге, шынайылық пен жақсылықты жақтағандарыңыз үшін үлкен рахмет. Мен үшін сөздеріңіз музыка сияқты", - деп жазды ол.