PARYZ.KZ
Шоу-бизнес

Junior Eurovision 2020: Ұлттық іріктеудің финалистері анықталды

01.09.2020 13:00  |  Алишер Ахметов

«Хабар» телеарнасының тікелей эфирінде «Junior Eurovision 2020» халықаралық ән байқауында Қазақстанның атынан өнер көрсетуге жолдама алу құқығы үшін жарысқан 12 орындаушының есімі белгілі болды, деп хабарлайды BAQ.KZ.

Жобаның jevision.khabar.kz ресми сайтында көрермендердің онлайн дауыс беру нәтижелері бойынша финалистердің есімдері белгілі болды. Олар:

  1. Сайполда Ислам, 11 жас, Нұр-Сұлтан қ.
  2. Бурханова Адия, 12 жас, Алматы қ.
  3. Жұмажан Айдана, 14 жас, Алматы қ.
  4. Манарбекқызы Ақжібек, 14 жас, Нұр-Сұлтан қ.
  5. Маким Жан, 11 жас, Алматы қ.
  6. Мукитанова Айым, 13 жас, Көкшетау қ.
  7. Ғазизқызы Камила, 13 жас, Нұр-Сұлтан қ.
  8. Алтынбекқызы Сания, 13 жас, Семей қ.
  9. Тұрсынова Махинур, 14 жас, Алматы қ.
  10. Кусанова Нұршат, 10 жас, Атырау қ.
  11. Тілеубек Әйкерім, 13 жас, Нур-Султан қ.
  12. Башанова Қарақат, 12 жас, Алматы облысы, Талғар, Рысқұлов ауылы.

Ұлттық іріктеудің онлайн-дауыс беру барысында барлығы 700 мыңнан астам дауыс жиналды. Биылғы байқаудың ерекшелігі - еліміздің үздік композиторлары финалистерге арнайы 2020 жылдың 26 қыркүйегінде «Хабар» телеарнасының тікелей эфирінде өтетін гала-концертте шырқалатын 12 әнді жазып береді. «Junior Eurovision» ұлттық іріктеу жеңімпазын әділ қазылар алқасының бағалауы және қазақстандықтардың SMS-дауыс беру нәтижелері анықтайды. Ұлттық іріктеу жеңімпазы Қазақстанның атынан 29 қараша күні Польшада өнер көрсететін болады.